Fleiri búpláss í Suðuroynni til serligan tørv

28.03.2020 - 10:02
AktueltPolitikkur
Fleiri búpláss í Suðuroynni til serligan tørv
Landsstýriskvinnan í almannamálum hevur svarað fyrispurningi frá Bjarna Hammer, løgtingsmanni
Elsebeth Merecedis Gunnleygsdóttir er landsstýriskvinna í almannamálum
Mynd: © Bjarni Árting Rubeksen  
 

Ætlanin er at útvega fleiri búpláss í Suðuroynni til fólk, ið hava serligan tørv.

Tað upplýsir Elsebeth Mercedis Gunnleygsdóttir, landsstýriskvinna í almannamálum, í svari til Bjarna Hammer, løgtingsmann.

Løgtingið viðger í løtuni eitt uppskot um at dagføra vardar bústaðir, og sambært hesum uppskotinum er ætlanin at útvega fleiri búpláss í Suðuroy, sigur Elsebeth Mercedis Gunnleygsdóttir.

14 búpláss

Tvey sambýli eru í Suðuroynni við tilsamans 14 búplássum til persónar, sum bera likamligt ella sálarligt brek.

Harumframt eru eisini onnur tilboð, sum t.d. stuðuls- og virknistænasta, men bíðilistar eru.

Almannaverkið hevur víst á, at eitt uppskot at tryggja tørvin í Suðuroynni í nøkur ár, kundi verið at útvega eini rúmlig hús, til ymiskt virksemi, t.d. búpláss, umframt umlætting til fleiri ymsar málbólkar.

Dugni í Suðuroynni

Bjarni Hammer spurdi eisini, hví Dugni ikki hevur virksemi í Suðuroynni. Elsebeth Mercedis Gunnleygsdóttir upplýsir, at Dugni hevur søkt um størri játtan í 2021 til at skipa virksemi í Suðuroynni.

Dugni hevur víst á, at stovnurin hevur ilt við at veita borgarum í Suðuroynni tilboð uttan so, at teir fáa hetta tilboðið á skúlanum við Áir.

Umsóknin frá Dugna verður viðgjørd í sambandi við fíggjarlógina fyri 2021, sigur landsstýriskvinnan í almannamálum í svarinum til Bjarna Hammer. 
 

 
Nýggjastu sendingar í ÚV
Hósdag 28. mai
Mono 16. apríl 2020
109455
Hósdag 28. mai
Mono 23. apríl 2020
109456
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292