180 milliónir krónur til danskar miðlar

Joy Mogensen, mentamálaráðharri, hevur kallað inn til samráðingar seinnapartin, og málið er at semjast um ein hjálparpakka til donsku miðlarnar. 

Hon sigur, at stjórnin er til reiðar at hjálpa miðlunum, og at tað fer at kosta umleið 180 milliónir krónir. 

 - Miðlarnir kunnu fáa mistu lýsingarinntøkurnar endurgoldnar. Privatu miðlarnir hava nógv at siga fyri okkara fólkaræði, og tað er vandi fyri, at tað viknar, um hesir fara fyri skeyti, sigur Joy Mogensen.

Miðlapakkin hevur tvey stig. Fyrsta stig rindar 60 prosent av mistum lýsingarinntøkum aftur, og annað stig endurrindar 80 prosent.

Um miðilin hevur mist millum 30 og 50 prosent av lýsingarinntøkunum, fær hann 60 prosent av mistu inntøkunum aftur, men hevur hann mist meir enn helvtina av lýsingarinntøkunum, fær hann 80 prosent endurrindað. 

Fleiri danskir miðlar hava mist inntøku, tí fyritøkur ikki lýsa sum vant. Starvsfólk á Berlingske og Altinget, eru uppsøgd, og 152 ára gamla avísin, Helsingør Dagblad, er um at fara á húsagang, skrivar DR.DK.