Flest smittað í tjúgunum

Tey flestu, sum hava fingið koronu í Føroyum, eru í aldursbólkinum 20 til 29 ár. Tey eru 41.

Hóast fleiri fólk eru kannað í aldursbólkunum 30 til 39 ár og 40 til 49 ár eru færri smittað har enn í bólkinum 20 til 29 ár.

Tey eru ávikavist 18 og 32. 11 børn eru smittað og 21 í aldursbólkinum 10 til 19 ár. Fýra fólk, sum eru 80 ella eldri, eru smittað.

Heimasíðan corona.fo upplýsir eisini, at tey smittaðu eru 53 prosent kvinnur og 47 prosent menn.