Nýggjur leiðari í Skógrøktini

Rakul Arnfríð Dam er nýggjur leiðari í Skógrøktini.

Hon hevur starvast í Skógrøktini síðani 1994, ta hon fór í læru sum gartnari í plantualing. Hon hevur eisini tikið stakar lærugreinir í lívfrøði. 

Rakul Arnfríð Dam er 45 ára gomul, og hevur síðani 2006 verið røktarleiðari á Gróðurstøðini í Miðhoydølum hjá Skógrøkt. 

Ábyrgdarøki hjá leiðaranum í Skógrøktini umfatar eisini skógfriðað øki og viðarlundir kring landið.

Skógrøktin varð skipað sum stovnur í 1987, og hevur síðani 2007 verið deild á Umhvørvisstovuni.

Tróndur Leivsson var leiðari í Skógrøktini frá 1987 til 2015, og Michael Jacobæus leiddi deildini frá 2016 til fyrr í ár.