Fýra milliónir til langhyl í Havn

Tórshavnar býráð fer í kvøld at taka støðu til eina tilráðing um at játta fýra milliónir kr. í sambandi við ætlanin at byggja nýggjan langhyl.

Peningurin skal í høvuðsheitum brúkast til at fyrireika verkætlanina endaliga. Talan verður um at taka íSF-húsið niður, at rigga byggiplássið til, og at fara undir jørð- og lendisarbeiðið.

Høvuðsverkætlanin fer til politiska viðgerð um nakrar vikur, og hon verður eftir ætlan boðin út í summar.

Ætlanin er at fara undir byggiverkætlanina í heyst.