Ferðafólkatalið minkaði 94 prosent

Stór afturgongd er í ferðafólkatalinum á flogvøllinum í Vágum, 94 prosent í apríl sammett við apríl í fjør.

Í apríl í fjør vóru ferðafólkini knappliga 38.000.Í apríl í ár vóru ferðafólkini 2.400.

Páskirnar vóru í apríl bæði í fjør og í ár. Nú eru bara seks flogferðir um vikuna.

Atlantic Airways flýgur mánadag, mikudag og fríggjadag til Keypmannahavnar og aftur til Føroya.