Landsstýrið sleppur at læna 1,6 mia. kr.

Løgtingið fer í dag at geva landsstýrinum loyvi til at læna 1,6 milliardir krónur.

Ein samd Fíggjarnevnd tekur undir við uppskotinum hjá Jørgeni Niclasen, landsstýrismanni.

Onnur viðgerð og atkvøðugreiðsla vera í dag.

Ikki semja um svartkjaftin 

Men semja er ikki um uppskotið hjá Jacobi Vestergaard, landsstýrismanni, um góð 40.000 tons av svartkjafti.Tonsini vóru ætlað til royndir og nýskapandi verkætlanir.

Men landsstýrismaðurin ætlar at lata svartkjaftin sum felagskvota við hámarki.

Meirilutin í Vinnunevndini, umboðini hjá andstøðuni, vil lata helvtina av teimum stívliga 40.000 tonsunum til vinnuligar royndir.

Minnilutin í Vinnunevndini, umboðini hjá samgonguni, tekur undir við uppskotinum hjá landsstýrismanninum. Onnur viðgerð og atkvøðugreiðsla vera í tinginum í dag.

Tingfundurin í dag er kl.11.00.