Myrkatalið í Føroyum helst minni enn eitt prosent

Heilsufrøðiliga starvsstovan fer nú at greina 1.075 blóðroyndir fyri andevni móti korunu fyri at finna tað sonevnda myrkatalið fyri koronusmittuna í Føroyum.

Deildin fyri arbeiðs- og almannaheilsu bjóðaði 1.500 tilvildarliga valdum fólkum úr øllum Føroyum at vera við í kanningini.

Nakað er síðani, blóðroyndnirnar vórðu tiknar, men tær kunnu nústani greinast, tí greiningartilfarið, sum er úr Kina, er ikki komið fyrr enn nú.

Greiningin er byrjað, og úrslitið kemur um eina viku.

Pál Weihe, er kliniskur ábyrgdarhavi og hevur saman við Mariu Skaalum Petersen, granskara, tikið stig til kanningina.

Umframt Pál Weihe, er Landssjúkrahúsið, Landslæknin, Heilsufrøðiliga Starvsstovan, Fróðskaparsetrið, og Deildin fyri Arbeiðs- og Almannaheilsu við í verkætlanini.

Hoyr alt innslagið og samrøðuna við Pál Weihe her: