COVID-19: Sætta hvørt fólk er kannað

Meira enn sætta hvørt fólk í Føroyum er nú kannað fyri COVID-19. Tað vísa nýggjastu tølini hjá heilsumyndugleikunum, á corona.fo

Nú eru tilsamans 9.084 fólk í landinum kannað fyri smittuna. Hetta svarar til, at 17,3 prosent av øllum fólkunum í landinum eru kannað, ella meira enn sætta hvørt fólk.

Fyrsti tilburðurin av koronu í Føroyum varð staðfestur 3. mars, og higartil hava 187 fólk fingið staðfest smittuna. Øll eru vorðin frísk aftur.

Í Danmark eru 8,9 prosent av fólkunum, ið svarar til umleið ellivta hvørt fólk, nú kannað fyri COVID-19.