Nýtt fólkaheilsuráð valt

Nýtt Fólkaheilsuráð er mannað. Sjey limir eru í ráðnum, og fýra teirra halda fram næstu fýra árini, meðan trý eru nývald. 

Magni Mohr, professari í arbeiðs- og ítróttarfysiologi, heldur fram sum formaður, meðan Súsanna Olsen, varastjóri á Klaksvíkar sjúkrahúsi, verður nýggj næstforkvinna.

Hini, ið eru vald í Fólkaheilsuráðið, eru:

▪ Unnur S. Fonn, lærari á Skúlatrøð
▪ Hallur Thomsen, viðskiftastjóri hjá Almannaverkinum
▪ Katrina L. Holm, sálarfrøðingur
▪ Katrin Danielsen, kommunulækni
▪ Jón Klein Olsen, varapolitiinspektørur

Unnur S. Fonn, Súsanna Olsen og Hallur Thomsen eru nýggj í Fólkaheilsuráðnum. 

Uppgávurnar hjá Fólkaheilsuráðnum eru millum annað at ráðgeva lands- og kommunalmyndugleikum í sambandi við heilsufremjandi og sjúku- og vanlukku fyribyrgjandi tiltøk.

Ráðið skal eisini skipa fyri, at, ítøkilig heilsufremjandi og sjúkufyribyrgjandi tiltøk verða sett í verk og framd, skrivar Heilsumálaráðið í tíðindaskrivi.

Landsstýrismaðurin tilnevnir sjey limir í Fólkaheilsuráðið, og verða hesi vald fyri fýra ár í senn.