Hendrik Egholm gevst sum stjóri á Magn

Hendrik Egholm gevst sum forstjóri á Magn. Hann hevur verið forstjóri síðani oktober 2007.

Hendrik Egholm sigur í tíðindaskrivi, at eftir 13 árum í stjórasessinum er rætta løtan komin at ganga nýggjar leiðir. 

Jens Meinhard Rasmussen, nevndarformaður í Magn, sigur, at við Hendriki Egholm sum stjóra er Magn vorðin ein sterk og týðandi fyritøka, sum er væl fyri at møta avbjóðingunum, m.a. skiftinum til grøna orku.

Nevndin í Magn er farin undir tilgongdina at finna nýggjan forstjóra. Fyribils røkir Johnni Poulsen starvið sum forstjóri í Magn.