SAS tvífaldar fráferðir í juni

Skandinaviska flogfelagið, SAS, tvífaldar talið á fráferðum í juni mánaði. Talan er um flogferðir til støð í bæði Evropa og USA, skrivar DR á heimasíðuni. 

Nú koronutiltøkini linka kring heimin, setur SAS ferðina nakað uppaftur. 

Fyrst og fremst verður rutuflúgving millum londini í Skandinavia, men ferðafólk kunnu eisini gleða seg til at sleppa á ferð úr Keypmannahavn til býir sum Amsterdam, Chicago og New York, boðar flogfelagið frá, sambært danska kringvarpinum

Í juni fer flogfelagið at brúka 30 flogfør, sum er tvífalt so nógv sum nú.