Hava fingið longda freist at svara

Tey fimm arbeiðarafeløgini og Føroya Arbeiðsgevarafelag siga seg ikki kunna góðtaka semingsuppskotið til nýggjan sáttmála í verandi líki, og tí hava partarnir fingið longda freist at svara.

Tað sigur Terje Sigurðsson, semingsmaður.

Seminsmenninir løgdu semingsuppskot fyri partarnar í gjárkvøldið, og tá varð avtalað, at arbeiðarafeløgini og arbeiðsgevararnir skuldu svara á middegi í dag.

Men tað var av ongum, og nú verður semingsuppskotið gjøgnumgingið av nýggjum fyri at vita, um semja fæst.

Tað verður semingsstovnurin sum ger av, nær semingin endar, og so leingi, sum gongd er í, er eingin broyting, sigur Terje Sigurðsson.

Tá semingin byrjaði týsdagin, vórðu sáttmálarnir longdir til á midnátt í kvøld.