90,4 prosent ætla at velja sitandi forseta

Forsetin í Íslandi, Guðni Th. Jóhannesson, er væl dámdur, í hvussu so er sambært fyrstu veljarakanningini, sum er gjørd fyri forsetavalið 27.juni.

90,4 prosent av teimum spurdu søgdu seg ætla at velja Guðna Th. Jóhannesson.

Hitt valevnið, Guðmundur Franklín Jónsson, fær 9,6 prosent í kanningini hjá Gallup.

Kvinnuligir veljarar

Serliga elstu veljararnir søgdu seg ætla at velja Guðmund. 95 prosent av kvinnunum søgdu seg ætla at velja Guðna Th. Jóhannesson og 86 prosent av monnunum.

Gallupkanningin varð gjørd frá 29.mai til 3.juni. 

Guðni Th. Jóhannesson varð valdur til forseta í Íslandi í 2016. Tá vóru átta onnur uppstillað, men Guðni Th. Jóhannesson vann. Hann fekk 39,1 prosent av atkvøðunum.