Arbeiðsloysið veksur í Danmark

bannari
30.06.2020 - 15:37
AktueltÚtheimurin
Arbeiðsloysið veksur í Danmark
Arbeiðsloysið er farið úr 3,7 prosentum upp í 5,6, og tað fer at vaksa enn meir
Talið av arbeiðsleysum í Danmark fer at vaksa enn meir, vísa metingarnar hjá Danmarks Statistik
 

Nú eru 5,6 prosent av donsku arbeiðarafjøldini uttan arbeiði, skrivar Ritzau. Og talið av arbeiðsleysum fer at vaksa enn meir.

Tað vísa metingarnar, sum danska Hagstovan hevur gjørt. Seinasta uppgerðin er fyri mai, men roknað verður við, at talið fer at vaksa í juni.

Higartil eru kortini ábendingar um, at yvir 4.000 fólk fingu arbeiði í juni, so hvussu mánaðurin fer at roynast er ikki greitt, sigur ein greinari hjá Nykredit við Ritzau.

Serliga tey ungu, sum eru rakt

Koronakreppan er orsøkin til vaksandi arbeiðsloysið, tí í februar vóru 3,7 prosent arbeisleys, og síðani er arbeiðsloysið vaksið, upp í 5,6 prosent í mai.

Danska Hagstovan upplýsir, at tað serliga eru ung, millum 25 og 39 ár, sum missa arbeiðið, tí í tí aldursbólkinum er arbeiðsloysið meir enn 10 prosent.

Danska Hagstovan upplýsir eisini, at undir koronakreppuni hevur fráveran frá arbeiði verið væl lægri, enn hon var frammanundan. Óvist er kortini hví so er.

 
Nýggjastu sendingar í ÚV
Mánadag 13. juli
Góðan morgun Føroyar 13.07.2020
111313
Sunnudag 12. juli
Frá stríðsárunum (2:15)
110842
Sunnudag 12. juli
Etos: Hví skulu vit hava etikk?
110676
Sunnudag 12. juli
Guðstænasta í Kollafjarðar kirkju
111294
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281