Umstrídd lóg kemur nú í gildi

30.06.2020 - 16:49
AktueltÚtheimurin
Umstrídd lóg kemur nú í gildi
Kinesiski forsetin, Xi Jinping, hevur skrivað undir umstríddu trygdarlógina fyri Hongkong
Ógvuslig mótmæli hava verið í Hongkong um eina umstrídda trygdarlóg. Í morgin fær lógin gildi
 

Lógin forðar bólkum at virka, sum arbeiða fyri loysing frá Kina, statsfíggindaligum virksemi, yvirgangi og samstarvi við fremmand lond, sum tað stendur í lógini. Lógin kemur í gildi í morgin, skrivar tíðindastovan, Xinhua.

Í fjør vóru ógvuslig mótmæli í Hongkong ímóti lógini, sum eisini sigur, at myndugleikarnir í Hongkong, kunnu senda fólk, sum eru undir illgruna fyri eitthvørt, til Kina.

ES hevur gjørt vart við seg

Ein av teimum sum stóð á odda fyri mótmælunum í fjør, Joshua Wong, sigur nú, at hann gevst við mótmælisvirkseminum, tí hann sigur ongan iva vera um, at hann verður jagstraður av myndugleikunum, skrivar Reuters.

Fyri góðari viku síðani, helt Wong røðu á eini demokratiráðstevnu í Keypmannahavn, sum varð send á netinum. Í røðuni heitti hann á ES og altjóða samfelagið um at verja mannarættindini og demokratiið í Hongkong, sum er undir støðugum trýsti úr Kina.

ES hevur longu gjørt vart við seg mótvegis Kina. Forsetin í ES, Ursula von der Leyen, sigur, at trygdarlógin ikki er í tráð við grundlógina í Hongkong, og heldur ikki í tráð við altjóða treytir, sum Kina eigur at virða.

 
Nýggjastu sendingar í ÚV
Mánadag 13. juli
Góðan morgun Føroyar 13.07.2020
111313
Sunnudag 12. juli
Frá stríðsárunum (2:15)
110842
Sunnudag 12. juli
Etos: Hví skulu vit hava etikk?
110676
Sunnudag 12. juli
Guðstænasta í Kollafjarðar kirkju
111294
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281