6.000 færri kanningar og viðgerðir

Síðani korona kom hálvan mars hava verið 6.000 færri ambulantar kanningar og viðgerðir enn somu tíð í fjør. Fyrireikaðar skurðviðgerðir eru millum 35 og 60 prosent færri í ár.

Tað sigur Kaj Leo Holm Johannesen, landsstýrismaður, sum hevur svarað fyrispurningi frá Sirið Stenberg, løgtingskvinnu.

Hann sigur, at fysioterapiin og ergoterapiin minkaðu millum 60 og 80 prosent. Men allir sjúklingar, sum ikki kundu bíða, fingu neyðugu viðgerðina í sjúkrahúsverkinum.

Nógvar viðtalur, sum annars plaga at vera í sjúkrahúsunum, vórðu avgreiddar í telefonini.