Maður datt oman og doyði

Líksýn verður seinnapartin í morgin ella fyrrapartin týsdagin í sambandi við eina vanlukku í Kambsgjogv norðanfyri Tjørnuvík gjáramorgunin.

Ein maður, sum var á fjalli, datt oman og doyði.

Farið varð á fjall um átta-tíðina í gjáramorgunin. 

Tá komið var saman aftur, varnast hini, at ein maður ikki er komin aftur. Farið varð at leita, og maðurin varð funnin omandottin. 

Tyrla varð boðsend

Politiið fekk fráboðanina klokkan hálvgum tíggju. 

Tyrla var eftir manninum og flutti hann á Landssjúkrahúsið. Maðurin doyði í vanlukkuni.

Maðurin, sum var í trýssunum, búði í Tjørnuvík, og hann var vanur fjallmaður.

Veðrið var gott í Tjørnuvík í gjár, og lendið var turt.