Lági oljuprísurin ávirkar prístalið

Prísirnir í Føroyum lækkaðu í miðal í øðrum ársfjórðingi. Bæði, tá samanborið verður við fyrsta ársfjórðing í ár og við annan ársfjórðing í fjør, eru miðalprísirnir lækkaðir.

Teir eru tó ikki lækkaðir nógv, brúkaraprístalið er lækkað 0,9 prosent samanborið við fyrsta ársfjórðing í ár, og 0,1 prosent samanborið við annan ársfjórðing í fjør.

Tann bíliga oljan ger munin. Brennioljan, sum verður brúkt til at hita hús, kostaði næstan ein triðing minni í mai í ár enn í mai í fjør.