10 fólk sleppa at vera í tingsalinum í senn

Politisku flokkarnir eru bidnir um at velja 20 tingfólk til tingfundin í morgin.

Fólkaflokkurin eigur fimm sessir, Sambandsflokkurin, Javnaðarflokkurin og Tjóðveldi eiga fýra hvør og Sjálvstýri, Framsókn og Miðflokkurin ein í part.

Bara tíggju fólk sleppa at vera í tingsalinum í senn, eitt tingfólk úr hvørjum flokki, formaðurin, skrivarin og avvarðandi landsstýrisfólk. 

Løgtingsfundur verður í morgin klokkan tíggju.

Framløga er á skránni.

Dagpengar og lønarískoyti

Landsstýrið hevur uppskot um at seta í gildi aftur ásetingarnar um dagpengar til fólk, sum eru kravd í sóttarhald.

Hetta eru ásetingarnar, sum vóru galdandi í vár.Og fólkapensjónistar fáa aftur lønarískoyti.

Tær báðar lógirnar skulu vera afturvirkandi frá 1.juli í ár.

Landsstýrið hevur eisini uppskot um eykajáttan til koronukanningar.