Flestu tilburðirnir eru í Suðurstreymi

bannari
13.08.2020 - 10:07
AktueltHeilsa
Flestu tilburðirnir eru í Suðurstreymi
Í vár gjørdi smittan nógv um seg í Norðoyggjum, men hesaferð eru Norðoyggjar at kalla slopnar undan smittu
Nógv lata seg kanna fyri koronu. Nýggj tøl vísa, at flestu tilburðirnir eru í Suðurstreymi
Mynd: © Bjarni Árting Rubeksen  
 

Tað er serliga høvuðsstaðarøkið, ið er rakt av koronusmittuni hesaferð. Sambært hagtølum á corona.fo búgva 65 av teimum 148 fólkunum, sum hava fingið staðfest koronasmittu síðan 1. juli, í Suðurstreymoy. 

Í Eysturoy eru 12 smittað, í Suðuroy 5, í Vágum 3, í Norðoyggjum 1, í Sandoy 1, men í Norðstreymoy er eingin tilburður staðfestur.

37 útlendingar eru staðfestir smittaðir í Føroyum. Harafturat eru 24, har bústaðurin ikki er skrásettur.

Í vár gjørdi smittan nógv um seg í Norðoyggjum, men hesaferð eru Norðoyggjar at kalla slopnar undan smittu.

211 tilburðir

Corona.fo hevur eisini umroknað tølini samanborið við hvørji 100.000 fólk.

Fyri allar Føroyar svarar tað til, at 211 eru smittað síðani 1. juli fyri hvørji 100.000 fólk. Lond verða vanliga bólkað reyð, um fleiri enn 20 eru smittað fyri hvørji 100.000 fólk. 

Tá ræður um økini í landinum, eru 306 smittað í Suðurstreymoy fyri hvørji 100.000, í Suðuroy 108, í Eysturoy 101, í Vágum 89, í Sandoy 77, í Norðoyggjum 16 og í Norðstreymoy eingin.

Tað vil siga, at tað eru bara tvey øki í landinum, ið eru niðanfyri 20, nevniliga Norðoyggjar og Norðstreymoy.

>>SÍ TØL UM KORONU her

 
Nýggjastu sendingar í ÚV
Fríggjadag 25. september
Morgunlestur fríggjadagur 25. september 2020
113639
Hósdag 24. september
RagnarRokk 24.september 2020
113781
Hósdag 24. september
RagnarRokk: Lee Kerslake 1947-2020
113742
Hósdag 24. september
RagnarRokk: Allan um At The Movies
113739
Hósdag 24. september
Breddin
113907
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746