Lukasjenko: Onnur skulu eisini fáa vald

Lukasjenko: Onnur skulu eisini fáa vald
Forsetin í Hvítarusslandi vísir samstundis aftur, at nýval verður í landinum
Aleksandr Lukasjenko, forseti í Hvítarusslandi, sigur nú, at hann er til reiðar at býta valdið í landinum við onnur
 
17.08.2020 - 14:23

Hvítarussiski forsetin, Aleksandr Lukasjenko, sigur seg nú vera sinnaðan til at býta valdið í Hvítarusslandi við onkran annan.

Tað segði hann sambært hvítarussisku tíðindastovuni Belta, og sum altjóða miðlar endurgeva.

Lukasjenko sigur seg vera til reiðar at broyta hvítarussisku grundlógina, til tess at valdsbýtið verður øðrvísi, men hann ger samstundis greitt, at hann er ikki sinnaður at gera tað undir trýsti frá mótmælisfólkum.

Krevja nýval

Nógv fólk hava síðstu dagarnar verið á gøtunum í høvuðsstaðnum í Hvítarusslandi. 

Tey mótmæla valúrslitinum og siga, at forsetin hevur framt valsvik. Mótmælisfólkini krevja nýval, men forsetin segði í morgun, at tað kemur ikki upp á tal. Lukasjenko fekk 80 prosent av atkvøðunum á fosetavalinum sunnudagin.

Aðalverkfall

Andstøðan í Hvítarusslandi hevur heitt á fólk um at fara í aðalverkfall í dag, og nógvar verksmiðjur eru manntómar í dag, skrivar The Guardian.

Starvsfólkini í almenna sjónvarpinum í landinum eru eisini farin til hús, skrivar danska TV2.

ES-leiðararnir hava kallað inn til bráðfeingis toppfund at viðgera spentu støðuna í Hvítarusslandi. Fundurin verður mikudagin.
 

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520