- Tíðindi, mentan og ítróttur
Jeppe Kofod kunnar um Arktis
Jeppe Kofod kunnar um Arktis
Limirnir í Arktisku sendinevndini hjá fólkatinginum, í Uttanríkispolitisku nevndini, Grønlandsnevndini og í Føroyanevndini hava fingið fundarboð
Jeppe Kofod , uttanríkisráðharri, hitti amerikanska uttanríkisráðharran, Mike Pompeo, herfyri. Nú fer hann at kunna fólkatingslimir um Arktis
18.08.2020 - 10:11
10. september fer Jeppe Kofod, uttanríkisráðharri, at kunna nakrar fólkatingslimir um Arktis.
Limirnir í Arktisku sendinevndini hjá fólkatinginum, í Uttanríkispolitisku nevndini, Grønlandsnevndini og í Føroyanevndini hava fingið fundarboð.
Jeppe Kofod ætlar at geva eina kunning um støðuna viðvíkjandi Arktis, eftir at amerikanski uttanríkisráðharrin, Mike Pompeo, var í Danmark herfyri.
Hann ætlar eisini at kunna um, hvussu gongst við arbeiðinum at gera eina arktiska strategi.
Sjúrður Skaale er formaður í Arktisku sendinevndini hjá fólkatinginum, og Edmund Joensen er næstformaður.
Er kopiera
Nýggjastu sendingar í ÚV
