Shinzo Abe leggur frá sær

Japanski forsætisráðharrin, Shinzo Abe, leggur frá sær av heilsuávum. 

Tað boðar BBC frá, og endurgevur japanskar miðlar. 

Forsætisráðharrin hevur í mong ár havt eina tarmsjúku, men heilsustøðan er versnað nógv seinastu árini. 

Sambært japanska miðlinum, NHK, leggur Shinzo Abe frá sær, tí hann vil ikki, at heilsustøðan hjá sær skal gerast ein trupulleiki fyri stjórnina.

Shinzo Abe tók við sum forsætisráðharri í 2012, og hann eigur metið sum tann forsætisráðharri, ið hevur sitið longst út í eitt í Japan.