Eingin smitta í átta dagar

Dagurin í gjár var áttandi dagurin upp í slag, at eingin korona-smitta varð staðfest í Føroyum.

Tað upplýsir Heilsumálaráðið við støði í nýggjastu tølunum frá Landslæknanum. 

Í gjár vórðu gjørdar 1102 korona-kanningar kring landið, og sum nevnt vóru øll úrslitini negativ.

Nú eru tilsamans 92.895 kanningar gjørdar í Føroyum.

Tilsamans hava 411 persónar fingið staðfest smittuna í Føroyum. Í alt eru nú 362 persónar staðfestir frískir aftur, og sostatt eru 49 persónar smittaðir í løtuni.

Tveir persónar eru í løtuni innlagdir á Sjúkrahúsverki Føroya í samband við coronasmittuna. Eingin liggur á intensivari deild.