120.000 deyð í Brasil

Meira enn 3,8 milliónir tilburðir eru staðfestir í landinum, og bara seinasta samdøgrið eru meira enn 900 fólk deyð av smittuni. Hetta talið er nakað minni enn undanfarnu dagar, tá um 1.000 fólk eru deyð av covid-19 um dagin.

USA hevur framvegis flest tilburðir,  - meira enn 6,1 miljón, og sløk 187.000 eru deyð av covid-19, vísa tøl frá amerikonsku heilsmyndugleikunum.

Skjótasti vøksturin í smittutilburðum er í India. Nærum 80.000 hava fingið smittuna seinasta samdøgrið, og tilsamans eru nú 3,5 milliónir tilburðir staðfestir í India og 64.000 er deyð.

Heimsmátingar vísa, at nú eru meira enn 25 milliónir tilburðir í heiminum, og nærum 17,5 milliónir eru vorðin frísk aftur. 

Tilsamans 850.000 eru deyð av covid-19 í heiminum.