- Tíðindi, mentan og ítróttur
Jan Ziskasen bíðar eftir fundarboðum
Jan Ziskasen bíðar eftir fundarboðum
Stjórin á Føroya Tele hevur uppsagnartíð í seks mánaðir, og tí er virksemið á Føroya Tele sum vanligt
Uppsøgnin hjá Jan Ziskasen, stjóra á Føroya Tele, stendur við
11.09.2020 - 12:55
Støðan á Føroya Tele er óbroytt, og uppsagnirnar hjá Jan Ziskasen, stjóra, og Ómari Svávarsyni, nevndarformanni, standa við.
Tað sigur Jan Ziskasen, stjóri í dag. Hann vil kortini ikki gera nakrar viðmerkingar til støðuna.
Teir báðir vóru á fundi við Jørgen Niclasen, landsstýrismann í fíggjarmálum, mánadagin, og tá avráddu teir at hava fund aftur í gjár. Men tann fundurin hevur ikki verið, og Jan Ziskason sigur, at hann ikki hevur fingið fundarboð.
Ein orsøk kann vera, at landsstýrið er saman á Hotel Brandan at viðgera politisku støðuna.
Jan Ziskasen sigur, at hansara uppsagnartíð er seks mánaðir, og tí er virksemið á Føroya Tele sum vanligt.
Er kopiera
Nýggjastu sendingar í ÚV
Nýggjastu sendingar í SV
