Avgustar í Nólsoyarfirði

Í morgun hildu fólk í Nólsoy seg síggja grind í Nólsoyarfirði.

Men tá málið varð kannað nærri, vísti tað seg at vera ein bólkur av stórhvalum, sum lá í fjørðinum. 

Bjarni Mikkelsen, lívfrøðingur, sigur, at tað vóru einir 10-15 avgustar, sum lógu og grindaðust.

Bara kalldýr

Tað vóru bara kallhvalir í bólkinum, tí kvennhvalirnir halda seg longri suðri í heitari sjógvi saman við hvølpunum.

Bjarni Mikkelsen sigur, at tað er ikki óvanligt, at avgustar savnast í slíkum bólkum millum oyggjarnar.

Teir fóru fyri løtu síðani við eystfallinum eystureftir, og síðst vóru teir sæddir millum Stong og Eystnes.

Grind í Tasmania

Men hóast tað ikki vóru grindaboð í Nólsoyarfirði á hesum sinni, so gjørdu umleið 270 hvalir landgongd í Tasmania í gjár.

Tað er ikki óvanligt, at grindahvalir gera landgongd har, men so nógvir hvalir hava ikki gjørt landgongd í senn í meira enn 10 ár, sigur leiðarin fyri tjóðarlundirnar í Tasmania, Nic Deka.

Fleiri hvalir eru longu deyðir, men bjargingarfólk royna nú at bjarga teimum, sum enn eru á lívi,