24 vilja vera sendifólk í Ísrael

28.09.2020 - 14:35
AktueltSamfelag
24 vilja vera sendifólk í Ísrael
20 menn og fýra kvinnur hava søkt, og allir umsøkjararnir eru føroyingar
Ætlanin er at seta starvið sum sendifólk í Ísrael umleið 1. november
Mynd: Bjarni Árting Rubeksen  
 

24 fólk hava søkt um at gerast føroyskt sendifólk í Ísrael.

Freistin at søkja starvið sum sendifólk á nýggju føroysku sendistovuni í Tel Aviv var úti á middegi í dag

Av teimum 24 umsøkjarunum eru 20 menn og fýra kvinnur. Allir umsøkjararnir eru føroyingar.

Starvið sett umleið 1. november

Poul Geert Hansen, aðalstjóri í Uttanríkis- og mentamálaráðnum sigur, at nú verður farið undir at viðgera umsóknirnar, og hann væntar, at umleið 1. november verður klárt at seta starvið.

Ætlanin er, at føroyska sendistovan í Tel Aviv skal lata upp sum skjótast. Poul Geert Hansen sigur, at koronusjúkan, sum eisini hevur rakt Ísrael, hevur elvt til onkrar seinkingar, men hann roknar við, at sendistovan letur upp fyri ársskiftið.

Víðfevnt arbeiðsøki

Í starvslýsingini stendur millum annað, at uppgávurnar sum sendifólk millum annað eru at umboða føroyskar myndugleikar mótvegis ísraelskum myndugleikum og øðrum sendistovum í Tel Aviv, at røkja sambond við ísraelskt vinnulív og mentanarlív, og annars virka fyri at fremja føroysk áhugamál.

Arbeiðsøkið fevnir tí um bæði politiskt, vinnuligt og mentanarligt samstarv.

 
Nýggjastu sendingar í ÚV
Hósdag 29. oktober
RagnarRokk 29.oktober 2020
115219
Hósdag 29. oktober
RagnarRokk: Roine Stolt um Islands
115218
Hósdag 29. oktober
Breddin
115516
Hósdag 29. oktober
Mono - Sangir hjá og um Hank Williams
115510
Hósdag 29. oktober
Ein og eitt verða brúkt ov nógv
115497
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261