Amnesty rýmir úr India

Mannarættindafelagsskapurin, Amnesty International, hevur sagt øllum starvsfólkum sínum í India úr starvi, og gevst við virksemi sínum í landinum.

Orsøkin er, at indisku myndugleikarnir, sambært Amnesty, hava stongt bankakontur hjá felagsskapinum, tí illgruni er um brot á lóg um útlendskt virksemi.

Amnesty leggur myndugleikarnar undir gívrajagstran móti mannarættindafelagsskapinum.

Hvítting

Myndugleikarnir halda, at peningainnsavningarskipanin hjá Amnesty er hvítting, tí Amnesty hevur spurt myndugleikarnar um opinleika og brot á mannarættindi í samband við sekteriskar samanbrestir í New Dehli og støðuna í Kashmir.

Indisku myndugleikarnir vilja í dag ikki vátta, um teir hava stongt bankakontur hjá Amnesty í India. 

Eisini í 2018 varð húsarannsókn gjørd á skrivstovum hjá felagsskapinum, og kontur vórðu stongdar.