- Tíðindi, mentan og ítróttur
Eingin prístalsjavning, men pensjónin hækkar
![](https://kvf.fo/sites/default/files/styles/grein-ovasta-mynd/public/corona_elsebeth_mercedis_gunnleygsdottir_landstyriskvinna_-5.jpg?itok=yOTaq_n3)
Hóast prístalsjavningin av almannaveitingum verður útsett eitt ár, til 1. januar í 2022, hækkar fólkapensjónin á nýggjárinum, sigur Elsebeth Mercedis Gunnleygsdóttir, landsstýriskvinna í almannamálum.
Ein ógiftur fólkapensjonistur, sum ikki hevur aðra inntøku enn fólkapensjón og Samhaldsfasta, fer næsta ár at hava umleið 12.600 krónur um mánaðin eftir, tá skattur og gjøld eru goldin. Hjún fara at hava tilsamans umleið 22.000 krónur eftir um mánaðin.
Pensjónin hækkar, tí 500 krónur verða latnar í skattafrádrátti, og grundupphæddin hækkar 580 krónur.
Sostatt hækkar inntøkan hjá pensjónistum 1.080 krónur um mánaðin, og samstundis hækkar gjaldið úr Samhaldsfasta, sigur landsstýriskvinnan í almannamálum.
Elsebeth Mercedis Gunnleygsdóttir verður gestur í Breddanum í útvarpinum klokkan 17.05 um ætlanina at útseta prístalsjavningina av almannaveitingum og um pensjónsviðurskifti.