Sjúkrarøktarfrøðingar vrakaðu semingsuppskotið

Felagið Føroyskir Sjúkrarøktarfrøðingar hevur vrakað semingsuppskotið, sum semingsmenninir løgdu fyri sjúkrarøktarfrøðingarnar og Lønardeildina í Fíggjarmálaráðnum í gjárnáttina.

Partarnir vóru hjá Semingsstovninum seinnapartin, og tá boðaðu sjúkrarøktarfrøðingarnir frá, at teir vraka semingsuppskotið.

Terje Sigurðsson, semingsmaður, hevur onga viðmerking, tá hann verður spurdur, um Lønardeildin eisini hevur vrakað semingsuppskotið. Men Kringvarpið skilir, at Lønardeildin tók undir við tí.

Terje Sigurðsson sigur, at partarnir standa so langt frá hvør øðrum, at teir vildu ikki skriva undir nakra semju í dag. 

Hann sigur, at semingsmenninir eru fúsir at taka semingsroyndina uppaftur, um annar parturin vendir sær til Semingsstovnin og biður um tað.

Felagið Føroyskir Sjúkrarøktarfrøðingar sigur á heimasíðuni, at støðan er álvarslig, og nevndin viðger støðuna í løtuni.

Hýrurin var ikki tann besti, tá partarnir í sáttmálatrætuni hittu Semingsstovnin seinnapartin.

Semingsmenn, semingsroynd, sjúkrarøktarfrøðingar, lønardeildin, Terje Sigurðson, Símun Absalonsen

Semingsmenn, semingsroynd, sjúkrarøktarfrøðingar, lønardeildin, Terje Sigurðson, Óluvá í Gong,

Semingsmenn, semingsroynd, Terje Sigurðson hugsar,