Inntøkumarkið fyri sjálvboðið arbeiði hækkar

Markið hevur verið 30.000 krónur síðani 2013. Men landsstýrið hevur mælt til at hækka markið upp í 50.000 krónur, og tí tekur Fíggjarnevndin hjá løgtinginum undir við.

Men nevndin vil, at hækkingin kemur í gildi longu í ár og ikki næsta ár, sum landsstýrið skjýtur upp. Tað vil Fíggjarnevndin, tí uppskotið kom eisini í vár og tá var tað galdandi frá 1. januar 2020.

Umleið 120 fólk fáa gleði av tí

Endamálið við hækkingini er at fáa skikkað fólk at vera við í sjálvbodna arbeiðinum í ítróttini. Talan er um dómarar, linjuverjar, venjarar, leiðarar og hjálparar.

Samgonguskjalið sigur, at skattafría hámarkið til ítrótt skal broytast. Okkurt um 120 fólk eru mett at fáa gleði av hækkingini, Tey fáa 2,4 milliónir krónur.

Sambært TAKS fingu 843 fólk slakar 8,2 milliónir krónur fyri sjálvboðið ítróttarabeiði í 2018. Men bara 120 fólk fingu millum 25.000 og 30.000 krónur