Handilssamráðingarnar slitnaðar

Samráðingarnar millum Bretland og ES um eina handilsavtalu millum partarnar eftir Brexit, eru lidnar. Tað hevur umsitingin hjá forsætisráðharranum Boris Johnson váttað.

Somikið langt er millum partarnar, at bretar siga tað vera óneyðugt at halda fram, uttan so, at ES grundleggjandi broytir støðu.

Vón um semju enn

Franski Evropa-ráðharrin, Clement Beaune, segði við BBC í gjár, at ES fer ikki eftir eini semju fyri einhvønn prís, men at tey eru enn sinnaði at lurta eftir Bretlandi.

Michel Barnier, samráðingarleiðari hjá ES, skal til London í næstu viku. Sambært keldum er vónin um eina semju ikki slept enn, um enn hon er ósannlík.

Millum stóru ósemjurnar eru atgongdin hjá fiskiførum úr ES at fiska í bretskum sjógvi og statslig hjálp til vinnufyritøkur.