Tiltøkini í Danmark kanska herðast

Ráðharrin í heilsumálum, Magnus Heunicke, er ørkymlaður um gongdina, eisini, tí fleiri lond í Evropa tykjast hava mist tamarhaldið á smittugongdini.

Hann sigur, at komandi tveir ella tríggir dagarnir verða avgerandi fyri, um Danmark fer at herða tiltøkini. Í Danmark kunnu fleiri enn 50 fólk ikki savnast.

Tað er í fyrsta umfari galdandi fram til 31. oktober. Eisini verður sett sum treyt, at fólk brúka munnbind, tá ið tey ferðast við almennum flutningi.

Í gjár vórðu 630 smittutilburðir staðfestir.

– Sum støðan er nú, er talan ikki um at lata enn meira upp, tí smittugongdin er ikki góð, sigur heilsumálaráðharrin við Jyllandsposten.