Trom fær pengar úr landskassanum

Trom fær pengar úr landskassanum
Sjónvarpsrøðin kostar 37 mió. kr., og 16 mió. kr. skulu brúkast í ár og næsta ár. Afturberingin er 25 prosent
Tilsøgn um afturbering er fortreyt fyri, at sjónvarpsrøðin kann gerast í Føroyum, sigur Vinnumálaráðið
 
28.10.2020 - 08:49

Sjónvarpsrøðin Trom fær nú pengar úr landskassanum. Í uppskotinum um eykajáttanir, sum kom í tingið í gjár, eru fýra milliónir krónur til afturberingarskipanina til filmsgerðir.

Verkætlanin Trom kostar 37 milliónir krónur. 16 milliónir skulu brúkast í Føroyum í ár og næsta ár. Afturberingin úr landskassanum er 25 prosent.

Trom er sjónvarpsrøð í seks pørtum, sum hvør er 45 minuttir. Ætlanin er síðani at gera við seks partar afturat.

Krimisøgur hjá Jógvani Isaksen

Sendirøðin byggir á krimisøgurnar hjá Jógvani Isaksen. Jón Hammer er framleiðslustjóri, og Tórfinnur Jákupsson hevur skrivað handritið.

Nordisk Film og TV Fond hevur latið 3,5 milliónir krónur í stuðli til Trom.

Tilsøgnin um afturbering úr føroysku afturberingarskipanini er ein fortreyt fyri, at sjónvarpsrøðin Trom kann verða gjørd í Føroyum, sigur Vinnumálaráðið.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652