Innferðarbann rakar eisini føroyingar

Innferðarbannið, sum Bretland hevur sett móti Danmark, í kjalarvørrinum av koronusmittuni millum minkar í Norðurjútlandi, rakar eisini føroyingar.

Um vikuskiftið boðaðu bretsku myndugleikarnir frá, at hvørki flogfør ella skip við ferðafólki úr Danmark í sleppa inn um bretskt mark. Heldur ikki ferðafólk, ið millumlenda í Danmark, sleppa við.

Føroyingar og grønlendingar eru tó undantiknir.

Einki ferðasamband

Men av tí at hvørki Atlantic Airways ella Norröna flúgva ella sigla beinleiðis til Bretlands, so er munandi truplari hjá føroyingum at sleppa inn um bretska markið.

Ferðafólkatalið millum Danmark og Bretland hevur verið avmarkað seinastu mánaðirnar, tí bara danir, ið lesa ella arbeiða í Bretlandi, sleppa inn í landið.

Innferðarbannið er fyribils galdandi til 2. desember.