Sjey fingu onga atkvøðu

547 fólk stillaðu upp í gjár. Og sjey teirra fingu onga atkvøðu. Talan er um eitt valevni í Eysturkommunu, eitt í Skúvoyar kommunu, eitt í Fámjins kommunu, tvey í Fugloyar kommunu og tvey í Húsavíkar kommunu.

Janus Thomsen, sum, uttan at biðja um tað og uttan at vilja tað, kom á lista A í Nes kommunu, vildi ikki hava nakra atkvøðu, segði hann við Dag og viku herfyri.

 >> SÍ EISINI Yvirlit: Her eru allar tær persónligu atkvøðurnar

Men hann fekk kortini seks atkvøður í gjár. Heðin Mortensen í Tórshavnar kommunu fekk nógv flestar atkvøður í gjár. Hann fekk 2.288.

Síðani kemur Tróndur Sigurðson við 882, Annika Olsen við 586, Elsa Berg við 519 atkvøðum, tey eru øll vald í Tórshavnar kommunu, og nummar fimm er Torbjørn Jacobsen í Runavíkar kommunu við 461 atkvøðum.