Teldusníkar brotið inn á Ritzau

Teldusníkar hava brotið inn á telduskipanina hjá donsku Ritzau tíðindastovuni. Tað skriva fleiri danskir miðlar.

Fyrisitingarstjórin í Ritzau, Lars Vesterløkkem sigur sambært BT, at álopið er sera væl lagt til rættis, og teldusníkarnir krevja eitt loysigjald fyri at steðga álopinum. Óvist er, hvussu stórt kravið er um.

Tað er eisini óvist, hvør hevur skipað fyri álopinum, sum byrjaði í gjáramorgunin.

Telduálopið merkir, at allar redaksjónellar skipaninar hjá Ritzau eru óvirknar, men Lars Vesterløkke væntar, at alt kemur aftur í rættlag í morgin