1990 umaftur? Føroyar fingu Danmark og Eysturríki

Føroyar komu í bólk saman við fleiri gomlum kenningum, tá lutakast var til HM-undankappingina fyri løtu síðan.

Eins og til fyrstu undankappingina hjá Føroyum, skal landsliðið spæla ímóti Danmark og Eysturríki.

Úr triðja styrkislagi fingu Føroyar Skotland, sum vit hava fingið fleiri góð úrslit ímóti fyrr.

Úr fjórða styrkislagi kom Ísrael úr pottinum, og úr niðasta styrkislagnum fingu Føroyar Moldova fyri fyrstu ferð.

Undankappingin verður spæld komandi ár.

Bólkurin hjá Føroyum:
Danmark
Eysturríki
Skotland
Ísrael
FØROYAR
Moldova