Grønland eisini fingið pengar

Pengar eru til at tryggja, at børn í Grønlandi kenna síni rættindi, og grønlendska sjúklingahotellið í Keypmannahavn er eisini í fíggjarlógini.

1,2 milliónir krónur eru settar av til at greina støðuna hjá grønlendskum børnum, sum eru valdsflutt til Danmarkar.

 >> SÍ EISINI Knappar 50 mió. krónur frá Fólkatinginum

Fólkatingslimirnir, Aaja Chemnitz Larsen og Aki-Matilda Høegh Dam, fegnast eisini um, at slakar 27 milliónir krónur eru settar av til dokumentarfilmsgerð í Danmark, Føroyum og Grønlandi, skrivar KNR.

Føroysk og grønlendsk filmsfólk kunnu søkja um pengar til at gera dokumentarfilmar. 4,4 milliónir krónur eru til eina royndarverkætlan um krabbamein á grønlendska sjúklingahotellinum í Keypmannahavn.

Royndin byrjaði í fjør. Hon miðar eftir at kanna, hvussu kropsligt virksemi ávirkar krabbameinssjúklingar.