Nú búgva 52.854 fólk í Føroyum

Fyrst í november búðu 52.854 fólk í Føroyum. Tað vísa nýggjastu tølini frá Hagstovuni, sum eru kunngjørd í dag.

Ongantíð hava so nógv fólk búð í Føroyum.

Fyrst í oktober búðu 52.752 í Føroyum, og sostatt vaks fólkatalið 102 fólk í mánaðinum. Seinasta árið er fólkatalið vaksið umleið 1.000 fólk.

Av teimum 52.854 fólkunum, sum búðu í Føroyum fyrst í november, vóru 51,8 prosent mannfólk og 48,2 prosent konufólk.

Tey flestu, umleið 40 prosent, búgva í Suðurstreymoy.