Tríggir smittutilburðir afturat

Tríggir nýggir COVID-19 tilburðir eru staðfestir í Føroyum seinasta samdøgrið, vísa nýggjastu tølini hjá landslæknanum.

Tvey av teimum trimum fólkunum eru partur av einari smittuketu, sum landslæknin fylgir í hesum døgum.

Eingin innlagdur í løtuni

Eitt fólk, sum kom til landið við flogfari í gjár, fekk staðfest smittuna á regluligu koronukanningini við landamarkið á flogvøllinum.

Í gjár vórðu 670 koronukanningar gjørdar í Føroyum, og nú eru tilsamans 176.383 kanningar gjørdar her í landinum.

Einki fólk í Føroyum er í løtuni innlagt hjá Sjúkrahúsverki Føroya við smittuni, upplýsa heilsumyndugleikarnir í Føroyum seinnapartin.