Varðhaldsfongslingin longd fýra vikur

Maðurin, sum er skuldsettur fyri at hava barnapornografiskt tilfar í varðveitslu, er framvegis í varðhaldi.

Maðurin varð tikin í oktober. Síðani er varðhaldsfongslingin longd tvær ferðir, báðu ferðirnar í fýra vikur.

Maðurin, sum er fyrst í 30-unum, varð handtikin í sambandi við, at løgreglan kannaði ferðafólk, sum komu til landið við Norrønu. 

Rúsevni

Løgreglan fann rúsevni uppi á manninum, og hann varð tí tikin.

Telefon og telda hjá manninum vórðu kannað, og har fann løgreglan nógv barnaporno av grovasta slagi.

Maðurin skal vera í varðhaldi, meðan løgreglan kannar, um hann hevur sent øðrum barnapornografiskt tilfar.