Einki bendir á rottu

Einki er funnið enn, sum bendir á, at rotta er í Sandoynni, sigur Poul Klementsen, borgarstjóri á Sandi.

Tað var um middagsleitið týsdagin, at fráboðan kom um rottu við munnan á Sandoyartunlinum í Traðardali.

Eitur varð lagt út og serligt pappír, sum avdúkar, um rotta hevur gingið á tí.

Men einki bendir á, at rotta er har. 

Tiltøkini halda fram í minst tíggju dagar afturat, sigur Poul Klementsen.