Týskland rakk málinum um at minka útlátið

Týskland rakk í fjør málinum um at avmarka útlátið av vakstrarhúsgassi. Tað vóru ikki veðurlagsátøk, sum gjørdu munin, men korona. Tað vísir ein nýggj frágreiðing, skrivar Die Welt.

Útlátið minkaði 42,3 prosent í fjør samanborið við 1990. Málið var 40 prosent. Sambært frágreiðingini hevði Týskland minkað útlátið 37,8 prosent, um korona ikki var.

Tey, sum hava skrivað frágreiðingina, vænta, at í somu løtu ferð aftur kemur á búskapin, fer útlátið av vakstrarhúsgssi at vaksa aftur, og tað verður longu í hesum árinum.

– Einastu ráð, skulu vit halda tørn, er at seta fleiri tiltøk í verk, sigur stjórin í veðurlagstankasmiðjuni, Agora Energiewende, Patric Graichen.