Tveir næmingar á Glasi smittaðir

Í gjár varð staðfest, at tveir næmingar á Glasi, sum vórðu kannaðir,  hava fingið koronusmittuna.

Næmingarnir boðaðu sjálvir frá, at teir høvdu sjúkueyðkenni. Teir fóru til hús, og næmingarnir í báðum flokkum og lærararnir, sum teir smittaðu hava havt samand við, fóru eisini til hús.

Næmingarnir fylgja nú nú undirvísingini heima á teams, og teir skulu vera við hús í øllum førum til týsdagin. Næmingarnir í báðum flokkum skulu kanna seg aftur leygardagin og sunnudagin.

Steinbjørn Hardlei, rektari, væntar tó ikki, at koronusmitta gongur á Glasi, tí landslæknin hevur sagt, at av tí at so skjótt varð atborið, er lítið sannlíkt, at smittan hevur breitt seg.