Tvær nevndir farnar í søguna

Samstundis sum vit hava fingið nýggja rættargangslóg, verða lokalnevndin og nevndin, sum hevur havt eftirlit við varðhaldsfangum, tiknar av

Nevndin, sum hevur havt eftirlit við varðhaldsfangum, fór í søguna á nýggjárinum

Johnsigurd Johannesen

12.01.2021 - 14:39

Í sambandi við, at nýggj og dagførd rættargangslóg fyri Føroyar kom í gildi á nýggjárinum, eru tvær nevndir tiknir av. Báðar nevndirnar hava heilt ella partvíst verið mannaðar við løgtingsfólki.

Onnur er Lokalnevndin, ið hevur viðgjørt klagur um løgregluna og almenn mál um løgregluna. Í Lokalnevndini hava sitið fýra løgtingsmenn, fútin, tveir løgreglumenn umframt ein advokatur í sambandi við klagumál.

Í framtíðini fer óhefti Politikærumyndugleikin í Danmark at viðgera klagur um politiið í Føroyum.

Hin nevndin, ið varð tikin av 1. januar, var tann, sum sambært gomlu rættargangslógini hevði eftirlit við varðhaldsfangum. Hon var mannað við tveimum løgtingsmonnum.

Broytingarnar eru fevndar av Lov nr. 964 af 26. juni 2020 om Retsplejelov for Færøerne.