Boðanesheimið (aftur) smittufrítt

Tí nú er eingin smitta á heiminum. Týskvøldið í síðstu viku fekk eitt starvsfólk staðfest koronu, tveir dagar eftir, at viðkomandi hevði verið til arbeiðis.

Øll starvsfólk og búfólk á deildini eru tí kannað hvønn dag í síðstu viku og aftur í gjár, og staðfest er, at eingin er smittaður á deildini.

Nøkur starvsfólk og øll búfólk á deildini, har viðkomandi starvsfólk arbeiðir, hava verið í sóttarhaldi, og deildin hevur verið stongd fyri vitjandi.

Deildin er í morgun latin uppaftur, og gerandisdagurin kann aftur vera sum vanligt við teimum koronutilráðingum, sum annars eru, skrivar Tórshavnar kommuna.