Býarlívið letur uppaftur

Tað sigur Helgi Abrahamsen, landsstýrismaður í vinnumálum, við in.fo. Í løtuni skulu matstovur og skeinkistøð lata aftur klokkan 22, og tað er galdandi til sunnukvøldið. 

Men Helgi Abrahamsen sigur við in.fo, at tiltøkini ímóti matstovum og skeinkistøðum í Føroyum ikki verða longd, og sostatt fara tey úr gildið sunnukvøldið sum ætlað.

Landsstýrismaðurin í vinnumálum ger vart við, at hesar seinastu dagarnar er lítil og eingin smitta staðfest her á landi. Tí er eingin orsøk at lata krøvini til matstovur og skeinkistøð standa við, sigur Helgi Abrahamsen við in.fo

Spurdur um álvarsligu smittustøðuna í Danmark, har nýggi enska frábrigdi av koronu ger um seg, sigur landsstýrismaðurin í vinnumálum, at landsstýrið ikki ætlar at seta tiltøk í verk í Føroyum, bara tí at koronusmittan ger um seg í Danmark.